د قرآن مجید له نظره شاعرانلیکوال: ډاکټر محمدرحیم درانید شاعرانو په هکله بیلا بیلې نظریې شتون لري، په ټول کښې دا ویلی شو چې ځینې يې ښه ګڼي او ځینې يې بد. په دې لنډې لیکنې کښې دا هڅه شوې ده چې د قرآن مجید لره نظره او د هغې د تفسیر له نظره شاعرانو ته پام وکړو. دا لیک تر اخره ولولئ چې د شاعرۍ جواز او څرنګوالې یې درته څرګند شي. قرآن مجید په دې باب د سوره شعرا په آخرني څلور آیتونو کښې فرمایی: بسم الله الرحمن الرحیموَالشُّعَرَاءُ يَتَّبِعُهُمُ الْغَاوُونَ﴿۲۲۴﴾د شاعرانو پيروي ګمراهان کوي (نو ځکه پيغمبر شاعر نه دے). أَلَمْ تَرَ أَنَّهُمْ فِي كُلِّ وَادٍ يَهِيمُونَ﴿۲۲۵﴾آيا تا نه دي ليدلي چې هغوي په هرې وادۍ (ناو) کښې لالهانده دي. وَأَنَّهُمْ يَقُولُونَ مَا لَا يَفْعَلُونَ ﴿۲۲۶﴾بيشکه چې دوي هغه څه وايي چې نه يې کوي. إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانْتَصَرُوا مِنْ بَعْدِ مَا ظُلِمُوا وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ ﴿۲۲۷﴾مګر هغه کسان چې ايمان يې راوړےدے اونيک عملونه يې کړي دي اوخدای يې ډېر ياد کړے دے او کله چې ورباندې تېرے شوے نو مرسته يې غوښتې ده او کومو کسانو چې ظلم کړے دے ډېر زر به پوه شي چې د بيرته ورتلو کوم ځای ته به بيرته لاړشي.  په دې آیتونو کښې د بدو شاعرانو او ښو شاعرانو صفتونه بیان شوي دي. فرمایي چې د شاعرانو پیروني ګمراهان کوي ځکه چې دوه صفتونه لري، یعنی دا دوه بد شاعران دي چې ګمراهان ورپسې کیږي، هغه دوه صفتونه دا دي: اول دا چې دوي په هره وادۍ کښې لالهانده دي، یعنی بې یقینه دي او خبرې يې مزبوت بنسټ او بنیاد نه لري، بې هدفه او بې مقصده شاعري کوي. یو شعری يې په یو ځا

««د سردار قاسم سلیمانی ژوند لیک»»ژباړه: محمدرحیم درانیقاسم سلیمانی د اسفند د میاشتې په شلمه نیټه په کال ۱۳۳۵ کښې د کرمان په یو لری کلي قنات ملک کښې وزیږید. د دولسو کالو په عمر کښې چې لومړۍ زده کړې يې ختمې شوې نو خپل د زوکړی ځای يې پریښود او په کرمان کښې په ګلکارۍ بوخت شو.کله چې عراق په ایران حمله وکړه هغه جنګ ته لاړ او څه وخت وروسته د خپلو ښاروالو تر بسیجیانو مشر شو او بیا يې د بسیجیانو یو لښکر جوړ کړ چې په ۴۱ ثار الله لښکر په نامه مشهور شو.هغه د ایران او عراق په جنګ کښې خپل لښکر سره په ډېرو بریدونو کښې لکه والفجر ۸، کربلای ۴، کربلای ۵ او د شلمچې په برید کښې وجنګید.قاسم سلیمانی د لومړي ځل لپاره په 1360 کال کښې کله چې سپاه او فوځ د سوسنګرد په لویدیځ کښې د «طریق القدس» په نامه سره ګډ علمیات درلودل نو د ماټر ګولی د چودنې له سببه ښي لاس او خیټې ته ډېر سخت زخمي شو.د جنګ په ختمیدو ۴۱ثار الله لښکر د سردار سلیمانی په مشرۍ کښې کرمان ته ستون شو او هغه شرپسندو سره په مقابله شو چې د هیواد په لویدیځ کښې يې خرابي کوله.قاسم سلیمانی د ایران عراق له جنګه وروسته تر هغه وخته چې د قدس د سپاه مشر شي، قاچاقیانو او ډاکوانو سره چې د ایران او افغانستان تر مینځ به يې نشه ایز توګي غلا کول په مقابله بوخت و.هغه په 1376 کال کښې د حضرت آیتالله خامنهای، له خوا د قدس د سپاه مشر وټاکل شو.سردار سلیمانی خپل دینی غیرت سره په سوریې کښې د داعش مخې ته ودرید په داسې حال کښې چې داعش د اسرائیلو له خوا د مسلمان په نامه ځواکونه راغونډ کړي وو او اراده يې دا وه چې اول سوریه ووهي، بیا عراق او بیا ایران ته راشي خو سردار سلیمانی د هغوي مخه په سوریې کښې ونیوله که څه هم امریکې او اسرائیل ډېرې هڅې وکړې خو په خپلو موخو کښې بری